നിങ്ങൾ ഫെയ്സ്ബുക്കിൽ നിന്നും ഡിലീറ്റ് ചെയ്ത ചിത്രം വീണ്ടും കാണുന്ന സൂത്രം!

നമസ്കാരം!
സൂത്രപ്പണികളിലേക്ക് വീണ്ടും സ്വാഗതം...

ഒരു ചിത്രം നാം അപ്‌ലോഡ് ചെയ്ത ശേഷം ഡിലീറ്റ് ചെയ്താലും ഫെയ്സ്ബുക് സെർവറിൽ നിന്നും ആ ചിത്രം ഡിലീറ്റ് ആയി പോകുന്നില്ല! നമുക്ക് വീണ്ടും അത് കാണാം, ഡൌൺലോഡ് ചെയ്യാം.

നമ്മൾ ഒരു ഫോട്ടോയോ വീഡിയോയോ അപ്‌ലോഡ് ചെയ്യുന്ന സമയത്ത് ഫെയ്സ്ബുക്കിന്റെ ഒന്നിലധികം സെർവറുകളിൽ സേവ് ചെയ്യപ്പെടുകയും, ഡിലീറ്റ് ചെയ്യുമ്പോൾ 30 മാസങ്ങളോളം അവ സെർവറിൽ സൂക്ഷിക്കപ്പെടുകയും ചെയ്യുന്നു.

ഇനി എങ്ങനെ ഡിലീറ്റ് ചെയ്ത ഫോട്ടോ കാണാം എന്നു നോക്കാം

Step1.
ഡിലീറ്റ് ചെയ്യാനുള്ള ചിത്രം പുതിയ ടാബിൽ തുറക്കുക
(ഫോട്ടോയിൽ റൈറ്റ് ക്ലിക് ചെയ്ത്, Open in New Tab)

 

Step 2.
അഡ്രസ്ബാറിൽ നിന്ന്(തെറ്റിദ്ധരിക്കേണ്ട, നമ്മളീ www.facebook.com എന്നൊക്കെ ടൈപ് ചെയ്യുന്ന സ്ഥലമാണ് അഡ്രസ്ബാർ!) ആ ഇമേജിന്റെ യു ആർ എൽ കോപി ചെയ്യുക.
ഉദാഹരണത്തിന് ഞാൻ അപ്‌ലോഡ് ചെയ്ത ഈ ചിത്രത്തിന്റെ യു ആർ എൽ:: http://www.facebook.com/photo.php?fbid=10150746424436942&l=484516e4d0 എന്നതാണ്. ഇത്  നോട്ട്പാഡിൽ* പെയ്സ്റ്റ് ചെയ്ത് വെക്കുക.

*All Programs -> Accessories -> Notepad

Step 3.
ഇനി ഡിലീറ്റ് ചെയ്യേണ്ട ചിത്രത്തിൽ റൈറ്റ് ക്ലിക് ചെയ്ത്, Copy Image Location എന്നത് സെലക്റ്റ് ചെയ്യുക. നേരത്തെ തുറന്നു വെച്ചിരിക്കുന്ന നോട്ട്പാഡിൽ ഇതും കോപി ചെയ്യുക.
ഉദാ:-
എന്റെ ചിത്രത്തിന്റെ Image Location: http://a2.sphotos.ak.fbcdn.net/hphotos-ak-prn1/s720x720/543748_10150746424436942_684926941_11134209_1242969546_n.jpg എന്നതാണ്.

Step 4.
ഇനി ഫൊട്ടോ ഡിലീറ്റ് ചെയ്യാം.

Step 5.
ഇനി നിങ്ങൾ ആദ്യം കോപി ചെയ്തു വെച്ച ലിങ്ക് (Step 2) നിങ്ങളുടെ അഡ്രസ് ബാറിൽ പെയ്സ്റ്റ് ചെയ്തു നോക്കൂ. ഒരു എറർ മെസേജ് വരും! താഴെ കാണുന്നതു പോലെ...

Step 6.
ഇപ്പോൾ നമ്മൾ നേരത്തെ കോപി-പെയ്സ്റ്റ് ചെയ്തു വെച്ചിരിക്കുന്ന ഇമേജ് ലൊകേഷൻ ലിങ്ക് (Step 3ൽ പരാമർശിച്ചത്) എടുത്ത് പ്രയോഗിച്ച് നോക്കൂ... അപ്പോൾ കാണാം മാജിക്!

Continue Reading

ഫെയ്സ്ബുക്ക്/ട്വിറ്റർ സ്റ്റാറ്റസ് മെസേജുകൾ ഷെഡ്യൂൾ ചെയ്ത് അപ്‌ഡേറ്റ് ചെയ്യാനുള്ള സൂത്രം!

ഇനിമുതൽ നിങ്ങൾക്ക് ഫെയ്സ്ബുക്കിലും ട്വിറ്ററിലും സ്റ്റാറ്റസ് ഷേഡ്യൂൾ ചെയ്ത് അപ്ഡേറ്റ് ചെയ്യാം. Later Bro എന്ന ആപ്ലികേഷൻ വഴിയാണ് ഈ സൂത്രം സാധ്യമാകുന്നത്.


   • ആദ്യം ഇവിടെ (Later Bro) ക്ലിക്ക് ചെയ്ത് ആപ്ലികേഷൻ Allow ചെയ്യണം. (ധൈര്യമായി ക്ലിക്കിക്കോളൂ, സൈറ്റ് പുതിയ ടാബിൽ/വിൻഡോയിൽ തുറന്നോളും)
   •  ഇനി ഏതെങ്കിലും ഒരു എക്കൌണ്ട് (ഫെയ്സ്ബുക്ക്/ട്വിറ്റർ) സെലക്റ്റ് ചെയ്യുക.

ആദ്യം ഫെയ്സ്ബുക്ക് സെറ്റ് ചെയ്യുക. അതിനായി, താഴെ ചിത്രങ്ങളിൽ കാണുന്നതു പോലെ ചെയ്യുക...

ഇനി ട്വിറ്റർ എക്കൌണ്ട് സെറ്റ് ചെയ്യാം... ☺

ഇഷ്ടായീച്ചാ... ഒര് കമന്റിടാൻ മറക്കണ്ട ഠോ!
Cool Trick to Schedule Facebook/Twitter Status Updates

Continue Reading

ഫെയ്സ്ബുക്ക് സ്റ്റാറ്റസിലും ആളുകളെ ടാഗ് ചെയ്യാം!

ടാഗ് എന്ന് കേൾക്കുമ്പോഴേ ചിലർക്ക് കലിവരും! കാരണം അനാവശ്യമായ ഫോട്ടോകളിലും വീഡിയോകളിലും മറ്റുള്ളവർ നമ്മെ ടാഗ് ചെയ്യുകയും അതിനു വരുന്ന കമന്റുകളുടെ നോട്ടിഫികേഷനും ആലോചിച്ചാണിത്. അവരോട് നമുക്ക് സഹതപിക്കാം! കാരണം, ഫെയ്സ്ബുക്ക് നോട്ടിഫികേഷൻ സെറ്റിംഗ്സ് കൃത്യമായി ചെയ്താൽ ഇവയൊന്നും നമ്മുടെ ഇ-മെയിലിന്റെ മതിൽ ചാടിക്കടന്ന് ഇൻബോക്സിലെത്തില്ല!

എന്നാൽ അവരവരുടെ ഒരു സന്ദേശം, ഒരു ചിത്രം, ഒരു വീഡിയോ കൂടുതൽ പേരിലേക്കെത്തിക്കണമെന്ന അത്യാഗ്രഹം ഓരോരുത്തർക്കും ഉണ്ടാകുമല്ലോ! അങ്ങിനെയുള്ളവർ ചെയ്യട്ടെ... പറഞ്ഞു പറഞ്ഞ് നമ്മൾ കാടുകയറിയോ...? നമ്മൾ പറയാൻ വന്നത് ഇതൊന്നുമല്ല.

ഒരു വീഡിയോയിലോ, ഡോക്യുമെന്റിലോ, ചിത്രത്തിലോ മറ്റൊരാളെ ടാഗ് ചെയ്യുന്നത് വളരെ എളുപ്പവും എല്ലാവർക്കും അറിയുന്നതുമാണ്. അതു പോലെ നമ്മുടെ സ്റ്റാറ്റസ് മെസേജിൽ ഒരാളെ ടാഗ് ചെയ്യാൻ എന്തു ചെയ്യും? സത്യത്തിൽ മറ്റുള്ളവയെക്കാൾ എളുപ്പമാണിത്!!

ആദ്യം നമ്മുടെ മെസേജ് ടൈപ് ചെയ്ത്, @ എന്ന ചിഹ്നം ഇടുക.

@ ചിഹ്നത്തിനു ശേഷം നാം ടാഗ് ചെയ്യാൻ ഉദ്ദേശിക്കുന്നയാളിന്റെ പേര് ടൈപ് ചെയ്തു തുടങ്ങുമ്പോഴേക്ക് നമ്മുടെ സൌഹൃദ പട്ടികയിലുള്ള (ഫ്രെൻഡ്സ് ലിസ്റ്റ്) പ്രത്യക്ഷമാകും. ചിത്രം 1 കാണുക.

.  ചിത്രം 1  .

ഇതിൽ നാം ഉദ്ദേശിക്കുന്നയാളിന്റെ പേരിനു മുകളിൽ മൌസ് വെക്കുമ്പോൾ നീല നിറത്തിൽ അത് ഹൈലറ്റ് ചെയ്യും, അവിടെ ക്ലിക്ക്! ഇപ്പോൾ താഴെ കാണുന്ന ചിത്രം 2 ലേതു പോലെ കാണാം.

. ചിത്രം 2  .

ഇനി മറ്റൊന്നും ആലോചിക്കേണ്ട, ആ കാണുന്ന Post ബട്ടണിൽ അമർത്തിക്കോളൂ... നോക്കൂ നിങ്ങളുടെ സ്റ്റാറ്റസ് താഴെ കാണുന്നതു പോലെ അപ്‌ഡേറ്റ് ആയിരിക്കും!!

.ചിത്രം 3  .

ഇപ്പോൾ നാം ടാഗ് ചെയ്ത ആൾക്ക് ഒരു നോട്ടിഫികേഷൻ പോയിട്ടുണ്ടാകും അത് താഴെ കാണുന്നത് പോലെയാകും... അതുകൂടി കാണാം ല്ലേ? എന്നാൽ ചിത്രം 4 കണ്ടോളൂ! :)
കീപ് ടാഗിംഗ്!!

.ചിത്രം 4  .

യാചന: ഇഷ്ടായീച്ചാ.... ഒര് കമന്റങ്ങ്‌ട് ഇട്‌ആ! ന്നാ... നോമങ്ങ്‌ട്.....

How To Tag People In Facebook Status Update

Continue Reading

ഫെയ്സ്ബുക്ക് സ്റ്റാറ്റസ് ഒന്നും എഴുതാതെ അപ്‌ഡേറ്റ് ചെയ്യാനുള്ള സൂത്രം!

നമ്മൾ സാധാരണയായി ഫെയ്സ്ബുക്കിൽ നമ്മുടെ സ്റ്റാറ്റസ് അപ്ഡേറ്റ് ചെയ്യുന്നത്, ചില കവിതാശകലങ്ങളോ തമാശകളോ അല്ലെങ്കിൽ മഹദ്വചനങ്ങളോ ഒക്കെയാണല്ലോ! എന്നാൽ ഒന്നും എഴുതാതെ ഒരു സ്റ്റാറ്റസ് അപ്ഡേറ്റ് എങ്ങിനെ സാധ്യമാകും? അതിനെ കുറിച്ചാണീ സൂത്രപ്പണി!

ഇതുവരെ വായിച്ചപ്പോ നിങ്ങൾക്ക് തോന്നുന്നുണ്ടാകും ഒരു സ്പെയ്സ് ബാർ അടിച്ചാൽ തീരാവുന്നതല്ലേയുള്ളൂ പ്രശ്നം എന്ന്. എങ്കിൽ അത് നടക്കില്ല!! എന്നാൽ ചില സ്പെഷ്യൽ കോഡ് ഉപയോഗിച്ച് ഈ ശൂന്യമായ മെസേജ് അപ്ഡേറ്റ് ചെയ്യാം!

എന്നാ കാര്യത്തിലേക്ക്  കടക്കാം... :)

♥ ആദ്യമായി നിങ്ങളുടെ ഫെയ്സ്ബുക്ക് അക്കൌണ്ടിൽ ലോഗ് ഇൻ ചെയ്യുക.

♥ ഇനി ഐശ്വര്യമായി  കീ‍ അമർത്തി പിടിച്ച്, 0173 (നമ്പർ പാഡിൽ) ടൈപ് ചെയ്യുക.

♥ ഇനി ആ അൾട് കീ വിട്ടോളൂ! എന്നിട്ട്  ബട്ടൺ അമർത്തുക.

♥ ഇപ്പോൾ നിങ്ങളുടെ ഫെയ്സ്ബുക്ക് അക്കൌണ്ടിൽ ഒരു ശൂന്യമായ സ്റ്റാറ്റസ് വന്നുകഴിഞ്ഞിട്ടുണ്ടാകും. താഴെയുള്ള ഫോട്ടോയിലെ പോലെ...

Continue Reading

ഫെയ്സ്ബുക്ക് ഗ്രൂപുകളിൽ നിന്നുള്ള ഇ-മെയിൽ നോട്ടിഫിക്കേഷൻ തടയുന്ന സൂത്രം!

ഫെയ്സ്ബുക്ക് കൊണ്ട് ഏറ്റവുമധികം ബുദ്ധിമുട്ട് അനുഭവിക്കുന്ന ഒരു പ്രശ്‌നമാണ്, നമ്മുടെ ഇ-മെയിൽ ഇൻബോക്സുകൾ നിറഞ്ഞുകവിഞ്ഞ് അത്യാവശ്യം വേണ്ട മെയിലുകൾ പോലും നാം കാണാതെ പോവുക എന്നത്!

ചിലരെങ്കിലും ഒഫിഷ്യൽ മെയിൽ ഐഡികൾ ഉപയോഗിച്ചാണ് ഫെയ്സ്ബൂക്ക് പ്രൊഫൈൽ ഉണ്ടാക്കിയിരിക്കുന്നത്. ഇത് കാര്യങ്ങൾ കൂടുതൽ പ്രയാസത്തിലാക്കുന്നു!

എന്തുണ്ട് ഒരു പോംവഴി? പലരും ചോദിക്കാറുണ്ട്. പലരും അവരവരുടെ ഗ്രൂപുകളിൽ ഒരു ഡോക്യുമെന്റ് ഉണ്ടാക്കി പോസ്റ്റ് ചെയ്യുന്നു. ഫെയ്സ്ബുക്കിന്റെ തത്വശാസ്ത്രം, പഴയ പോസ്റ്റുകൾ വീണ്ടും കാണണമെങ്കിൽ കുറച്ച് പണിയെടുക്കട്ടെ എന്നോ മറ്റോ ആണെന്ന് തോന്നുന്നു! എത്ര തിരഞ്ഞാലും ചിലപ്പോൾ കണ്ടെന്നും വരില്ല...

അതുകൊണ്ട് ഒരു ബ്ലോഗ് പോസ്റ്റ് ആക്കിയിട്ടാൽ ഇനി ചോദിക്കുന്നവർക്ക് ഈ ലിങ്ക് നൽകിയാൽ മതിയല്ലോ!!

എന്നാൽ തുടങ്ങാം...?

ആദ്യം നിങ്ങൾ ചേർക്കപ്പെട്ട ഗ്രൂപിൽ എത്തുക.  ആ പേജിന്റെ മുകളിൽ

വലതുവശത്തായി  എന്നു കാണാം. അതിൽ ക്ലിക്ക് ചെയ്യൂ...

ചിത്രം 1 കാണുക.

.  ചിത്രം  1  .

ശേഷം തുറന്നുവരുന്ന മെനുവിൽ രണ്ടുമൂന്ന് ക്ലിക്കുകൾ കൂടി ചെയ്ത്, സേവ് ചെയ്താൽ പിന്നെ നിങ്ങളുടെ ഇൻബോക്സ് വീർപ്പുമുട്ടില്ല! താഴെയുള്ള ചിത്രങ്ങൾ കൂടി കണ്ടോളൂ...

. ചിത്രം  2 - A  .

. ചിത്രം  2 - B  .

. ചിത്രം 2 - C  .

. ചിത്രം 2 - C  .

. ചിത്രം 2 - D  .

. ചിത്രം 2 - E  .

. ചിത്രം 2 - F  .

. ചിത്രം 2 - G  .

ഇനിയും സംശയം മാറിയില്ലേ? എങ്കിൽ ഒരു കമന്റായി ചോദിക്കൂ... നമുക്ക് ശര്യാക്കാന്നേയ്! :)

Continue Reading

ഫെയ്സ്ബുക്ക് പോസ്റ്റുകളുടെ ലിങ്കുകൾ എടുക്കുന്ന വിദ്യ!

പലരും പലപ്പോഴായി ചോദിക്കുന്ന ഒരു സംശയമാണ് ഒരു ഫെയ്സ്ബുകിലെ ഒരു കംയൂണിറ്റിയിലെ ഒരു പോസ്റ്റിന്റെ ലിങ്ക് എങ്ങനെ എടുക്കാം എന്ന്. വളരെ നിസാരമായ ഒരു പണിയാണിത്.

ആദ്യമായി നമുക്ക് വേണ്ട പോസ്റ്റ് തെരഞ്ഞ്പിടിക്കുക.

ഇന്റർനെറ്റ് എക്സ്പ്ലോറർ ബ്രൌസർ ഉപയോഗിക്കുന്നവർക്ക്:

For Internet Explorer Users:

.  ചിത്രം  1  .

 ചിത്രം 1-ൽ കാണുന്നതു പോലെ നമുക്കാവശ്യമുള്ള പോസ്റ്റിന്റെ പോസ്റ്റ് ചെയ്ത തിയ്യതിയോ സമയമോ താഴെ കാണാം. (ഉദാ:- 29 May at 18:35 എന്നോ 20 hours ago )  ഈ ലിങ്കിൽ (ചുവന്ന വൃത്തം ശ്രദ്ധിക്കുക) റൈറ്റ് ക്ലിക് ചെയ്യുക. അപ്പോൾ ചിത്രം 1-ൽ കണ്ടതു പോലെ ഒരു പോപ് അപ്പ് മെനു തുറന്നുവരും. അതിലെ Open in new tab / Open in new window എന്നതിൽ ഏതെങ്കിലുമൊന്ന് സെലക്റ്റ് ചെയ്യുക. (ചുവന്ന ‘ആരോ’ ശ്രദ്ധിക്കുക) ഇപ്പോൾ നിങ്ങൾ തെരഞ്ഞെടുത്ത പോസ്റ്റ് തുറന്നുവരും.

.  ചിത്രം  2  .

ഇനി ചിത്രം 2-ൽ കാണുന്നതു പോലെ, അഡ്രസ്സ് ബാറിൽ (ചുവന്ന ചത്തുരാകൃതിയിൽ അടയാളപ്പെടുത്തിയിരിക്കുന്നത്) സെലെക്റ്റ് ചെയ്ത്, റൈറ്റ് ക്ലിക്ക് ചെയ്യുക. ഇപ്പോൾ താഴെയുള്ള ചിത്രം 3-ലേതു പോലെ ഒരു പോപ് അപ്പ് മെനു തുറന്നുവരും അതിൽ നിന്നും Copy സെലെക്റ്റ് ചെയ്യുക. ഇപ്പോൾ നിങ്ങളുടെ പോസ്റ്റിന്റെ ലിങ്ക് നിങ്ങളുടെ ക്ലിപ് ബോർഡിൽ സേവ് ആയിട്ടുണ്ടാകും. അത് ആവശ്യമുള്ള സ്ഥലത്ത് പെയ്സ്റ്റ് ചെയ്യുകയേ വേണ്ടൂ! :-)

.  ചിത്രം  3  .

മോസില്ല ഫയർ ഫോക്സ് / ഗൂഗ്‌ൾ ക്രോം / എപിക് ബ്രൌസർ ഉപയോഗിക്കുന്നവർക്ക്:

For Mozilla Firefox/Google Chrome/Epic browser Users:

.  ചിത്രം  4  .

ചിത്രം 4-ൽ കാണുന്നതു പോലെ തെരഞ്ഞെടുത്ത പോസ്റ്റിന്റെ പോസ്റ്റിംഗ് ഡെയ്റ്റ് റൈറ്റ് ക്ലിക് ചെയ്ത്, തുറന്നുവരുന്ന മെനുവിൽ നിന്നും Copy Link Location എന്നത് സെലക്റ്റ് ചെയ്താൽ മാത്രം മതി. ആവശ്യമുള്ള സ്ഥലത്ത് പെയ്സ്റ്റ് ചെയ്തോളൂ...

ഈ ‘സൂത്രപ്പണി’ ഇഷ്ടമായെങ്കിൽ ഒരു കമന്റ് ഇട്ടൂടെ?

Continue Reading